Developing herd immunity without vaccine in a country with a population of 138 crores is a dangerous thing: Ministry of Health

સ્વાસ્થ્ય મંત્રાલયના સચિવ રાજેશ ભૂષણે ગુરૂવારે કહ્યું કે હર્ડ ઇમ્યુનિટી એક ઇનડાયરેક્ટ પ્રોટેક્શન છે. હર્ડ ઇમ્યુનિટી રસીકરણ પછી વિકસિત થાય છે અથવા તો બીમારીમાંથી સ્વસ્થ થયેલા દર્દીમાં થાય છે. ભારતની વસ્તી 138 કરોડ છે. આટલી જનસંખ્યા ધરાવતા દેશમાં રસી વિના હર્ડ ઇમ્યુનિટી વિકસિત કરવી યોગ્ય નહીં પરંતુ બહુ ખતરનાક છે.

ભારતમાં અત્યારસુધી 10 લાખથી વધુ દર્દી કોરોનાવાયરસથી સ્વસ્થ થઇ ચૂક્યા છે. તે એક મોટી સફળતા છે. તેનાથી સાબિત થાય છે કે આપણા ડોક્ટર, નર્સ અને ફ્રન્ટલાઇન હેલ્થકેર વર્કર્સે ખૂબ મહેનત અને લગનથી કામ કર્યું છે.

દેશમાં 1400 લેબ બનાવી છે

રાજેશ ભૂષણે કહ્યું કે રિકવરી રેટ વધ્યો છે. એપ્રિલમાં તે 7.85 ટકા હતો અને અત્યારે 64.4 ટકા છે. અમે ટેસ્ટિંગ ઇન્ફ્રાસ્ટ્રક્ચરને વધાર્યું છે. દેશમાં એક કરોડ 81 લાખ 90 હજાર ટેસ્ટ થઇ ચૂક્યા છે. દેશભરમાં 1400 લેબ બનાવવામા આવી છે. બુધવારે 4 લાખ 46 હજાર ટેસ્ટ થયા છે.

21 રાજ્યોમાં 10 ટકાથી ઓછો પોઝિટિવિટી રેટ

તેમણે કહ્યું- 25, 26 અને 27 જુલાઇએ અમે 5 લાખથી વધુ ટેસ્ટ કર્યા. દેશમાં 10 લાખની વસ્તી પર 324 ટેસ્ટ થાય છે. 21 રાજ્યોમાં 10 ટકાથી ઓછો પોઝિટિવિટી રેટ છે. રાજસ્થાન, પંજાબ, મધ્યપ્રદેશ અને જમ્મૂ-કાશ્મીરમાં પોઝિટિવિટી રેટ 5 ટકાથી ઓછો છે. આન્ધ્રપ્રદેશ, પુડ્ડુચેરી, મહારાષ્ટ્ર જેવા રાજ્યોમાં પોઝિટિવિટી રેટ 10 ટકાથી વધુ છે.

16 રાજ્યોમાં દેશના એવરેજથી વધારે રિકવરી રેટ

રાજેશે કહ્યું- 16 રાજ્યોનો રિકવરી રેટ દેશના એવરેજથી વધુ છે. તેમાં દિલ્હીમાં 88 ટકા, લદ્દાખમાં 80 ટકા, હરિયાણામાં 78 ટકા, અસમમાં 76 ટકા, તેલંગાણામાં 74 ટકા, તમિલનાડુ અને ગુજરાતમાં 73 ટકા, રાજસ્થાનમાં 70 ટકા, મધ્યપ્રદેશમાં 69 ટકા અને ગોવામાં 68 ટકા છે.

આ પણ વાંચો:-  રાજ્યમાં કોરોનાનો નવો રેકોર્ડ, 24 કલાકમાં 1078 પોઝિટિવ કેસ, 28 મોત, કુલ સંખ્યા 52,563

દેશમાં મૃત્યુદર સૌથી ઓછો

દેશમાં મૃત્યુદર 2.21% છે. આ વિશ્વમાં સૌથી ઓછો છે. 24 રાજ્ય એવા છે જ્યાં મૃત્યુદર સરરાશ કરતા પણ ઓછો છે.

LEAVE A REPLY

Please enter your comment!
Please enter your name here