Monsoon started in South Gujarat, heavy rains brought new water in the rivers

દક્ષિણ ગુજરાતમાં ચોમાસું બરાબર જામ્યું છે. રોજે રોજ ભારે વરસાદ વરસતા જનજીવન તરબતર થઈ રહ્યું છે. ભારે વરસાદ ધરતીપુત્રો માટે કાચા સોના સમાન સાબિત થઈ રહ્યો છે. વિતેલા 24 કલાક દરમિયાન વલસાડમાં 6 ઈંચ અને કામરેજમાં 4 ઈંચ વરસાદ ખાબક્યો હતો. ઉકાઈ ડેમના ઉપરવાસમાં સારા વરસાદના પગલે ઉકાઈની સપાટી 325.57 થઈ છે. જો કે રૂલ લેવલથી હજુ ડેમની સપાટી 8 ફૂટ જેટલી દૂર છે.દક્ષિણ ગુજરાતની મોટાભાગની નદીઓમાં નવા નીર આવતાં જળસ્તરમાં વધારો થયો છે.

વાપીનો વિયર કમ કોઝવે છલોછલ

હવામાન વિભાગે વલસાડ જિલ્લામાં ભારે વરસાદની આગાહી કરી છે. બે દિવસથી પડી રહેલા ઉપરવાસના વરસાદના કારણે જિલ્લાની તમામ નદીઓમાં નવા નીર આવ્યા છે.વલસાડ જિલ્લાની મુખ્ય જીવાદોરી એવી દમણગંગા નદીમાં આવ્યા નવા નીર આવ્યાં છે. વાપીને પાણી પૂરું પાડતો વિયર કમ કોઝવે છલોછલ થયો છે. જેથી વાપીના પીવાના પાણીની સમસ્યા હલ થઈ છે. દમણ ગંગા નદીની આજુબાજુના વિસ્તારોમાં બોર અને કુવામાં નવા પાણી રિચાર્જ થતાં ધરતીપુત્રોમાં આનંદ છવાઈ ગયો છે.

ઉકાઈમાં આવક 27192 ક્યુસેક

ઉકાઈ ડેમની ઉપરવાસમાં ભારે વરસાદના પગલે પાણીની આવકમાં વધારો થઈ રહ્યો છે. ઉકાઈમાં ઈન ફ્લો 27192 ક્યૂસેક છે જ્યારે ડેમમાંથી હાલ હાઈડ્રો મારફતે 1 હજાર ક્યૂસેક પાણી છોડવામાં આવી રહ્યું છે. ઉકાઈની સપાટી હાલ વધીને 325.57 ફૂટ થઈ છે. ડેમનું રૂલ લેવલ 333 ફૂટ છે. પાણીની સપાટી રૂલ લેવલથી હજુ આઠ ફૂટ દૂર છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  ટોસિલિઝુમેબ ઈન્જેકશન મામલે જીજ્ઞેશ મેવાણીના આક્ષેપોને સિવિલના OSD ડૉ.પ્રભાકરે ફગાવ્યાં

તમારા એરિયા ના સમાચાર મોકલવા અહિયાં ક્લિક કરો.

LEAVE A REPLY

Please enter your comment!
Please enter your name here